News

இலங்கையில் எமது தாயகத்தில் 2009ம் ஆண்டு போருக்குப்பின் துன்பப்படும் மக்களில் காணாமற் போனோரின்
( வெள்ளைக்கொடியுடன் வந்து ராணுவத்திடம் சரணடைந்தவர்கள் உட்பட ) உறவுகள் இன்னும்
துன்பப்பட்டுக்கொண்டேயிருக்கிறார்கள்.
( தயவு செய்து கீழ் காணும் காணொளியை பார்க்கவும் )
தங்கள் உறவுகள் திரும்பவும் கிடைப்பார்களா என்ற ஏக்கம் ஒருபுறம் – அவர்களின் குடும்பத்தலைவர்கள் இல்லாமல்
வாழ்வாதாரமற்று அல்லல்படுவோர் இன்னொருபுறம். இவர்களை  இலங்கை அரசாங்கம் கண்டுகொள்ளாதது
யாவரும் அறிந்ததே.! ஆனால் மக்களால் தெரிவுசெய்யப்பட்ட எமது அரசியல்வாதிகள் அரசாங்கத்திடம் இவர்கள்
பிரச்சனைகளை கொண்டு செல்வதாகவும் தெரியவில்லை. சமீபத்தில் பாதிக்கப்பட்ட பெண்கள்
தமிழரசுக்கட்சி அலுவலகத்தை ,கோரிக்கைகள் கொண்ட பாதகைகளோடு, முற்றுகையிட்டும் எவரும் கண்டுகொள்ளவில்லை.
இலங்கைக்கு சென்று ‘ இப்போ நாடு செழிப்பாக இருக்கிறது அங்கு குறை எதுவும் இல்லை ‘ என்று புலம்புவோரும்
கண்டுகொள்வதுமில்லை.
 
இந்த நிலைமையில், பாதிக்கப்பட்டோர்  யாவரும் கைவிட்ட நிலமையில், ஐ நாவிடமாவது முறியிட்டுப்பார்ப்போம்
என முடிவெடுத்து அவர்களுக்குள் ஓர் தலைவியை தெரிவு செய்து, யாரோ ஒரு ‘நல்ல உள்ளம் ‘ பிரயாணச்செலவை
பொறுப்பெடுக்க திருமதி லீலாதேவி ஆனந்தன்  என்பவர் ஐநா – ஜெனீவா மனிதவுரிமை மையத்துக்கு வந்திருந்தார்.
புலம் பெயர் அமைப்புக்கள் ( நாடு கடந்த அரசாங்கம் உட்பட ) இலங்கையிலிருந்து வந்த  தமிழ் அரசியல்வாதிகள்
இலங்கைக்கு மேலும் மேலும் கால அவகாசம் கொடுக்கக்கூடாது என்று வாதாட, திரு சுமந்திரனும்  பிதா. இமானுவேல்
அடிகளாரும் இலங்கை மேலும் இரண்டு வருடங்கள் அவகாசம்  பெற ஆதரவளித்தனர்.
இவர்களுக்குள், திருமதி லீலாவதி தன்னந்தனியாக காணாமற்போனோரின் துன்பங்களை நெஞ்சுருகும்
வண்ணம் எடுத்துரைத்தது யாவரையும் ஈர்க்கப்பண்ணியது.
 
லீலாவதி அம்மையாரை எமது அமைப்பு சார்பாக நாடு கடந்த அரசாங்கம் அனுசரணையுடன் சந்தித்து உரையாடினோம்.
அவருக்கு அப்போதைய செலவுக்கு ஒரு சிறு அன்பளிப்பு கொடுத்ததோடு அவர் தாயகம்  திரும்பியதும் ரூ.100,000. கொடுத்தோம்.
வாழ்வாதாரம் அற்றோருக்கு சிறு தொகையாக பிரித்து கொடுப்பதோடு அவர்களின்  தகவல்கள் கிடைத்ததும் ,
மேலும் உதவித்தொகை அனுப்புவதாக இருக்கிறோம் . 

 ( திருமதி லீலாதேவி ஆனந்தன் ஐநா பேச்சரங்கில் )

என்னோடு சேர்ந்துகொண்டவர் – நாடு கடந்த அரசின் தற்போதைய உப அவைத்தலைவர் திருமதி ரஜனிதேவி ( ஜெனீவா ).
எமது இந்த உதவிகளை நாடு கடந்த தமிழ் ஈழ அரசின்  மனிதாபிமான செயல்களில் ஒன்று என்பதை தெரியப்படுத்தவே இவற்றை அறிவிக்கிறேன்.
வணக்கத்துடன்.
விக்டர் ராஜலிங்கம்
 
காணாமற்போனோரின் உறவுகளின் தொடரும் துன்பங்களை விளக்கும் காணொளி. 

  • Sri Lankan war widows selling kidneys to pay for loans -please share & write comments to this article;